Manita!

Ispanlar oýun 2-0 gutarsa "duble" diýýärler. 3-0-a "Üçlediler", 4-0-a "Poker" diýýärler, utan tarapyň dört tuz çykardygy bolýar. Eger 90 minudyň soňunda hasap 5-0 bolsa? "Chiranthodendron pentadactyllon". Gülleri adamyň eline meňzeýän bu agaja ispanlar "manita" diýýär. (aceto balsamico)

Real Madrid öz meýdançasynda düzüminde diňe basklylary oýnadýan Athletic Cluby kabul etdi we netije: Manita! BBC-niň tomaşa görkezen oýnunda Benzemanyň salan iki goly, La Liga geleli bäri Ronaldo iň köp goluň pasyny beren Bale-iň iki assisti we Ligada hat-trick sanyny 22-ä ýetirip, Zarranyň rekordyna şärik bolan Ronaldonyň üç goly... Pepe bolsa soňky golda CR7-ä 2010-11-den galan bir gol bergisini berdi.

Elbetde bu hasabyň sebäplerinden biri Athleticiň Atleti ýaly palçyk oýun däl-de çyny bilen futbol oýnamagy. Başga tarapdan bolsa garry möjek Carloň akyly. Biri Di Maria diýdimi? Geçen ýyl Özil gidende, bu ýyl bolsa argentinaly melek gidende paýtagly topar käbir kynçylyklary başdan geçirdi. Oýundan soňky hasaba, ýagny ýeňişe ýa-da ýeňlişe görä janköýerlik edýänler bolsa derrew hininden çykyp aglap başladylar. Ancelotti bolsa her gezek olary utandyryp işi ugrukdyrdy.

Ballon d'Or baýragynyň berilmegine bolsa ylaýyk 99 gün galdy. Garaşýarys. Ronaldoň muzeýinde üçünji Ballon d'Oryň ýeri taýýar...

CR7 we hat-trickleri

Cristiano Ronaldo Real Madride geleli bäri 25-nji gezek hat-trick etdi. Bulardan 21-i La Ligada bolup, 22 hat-trickli Di Stefano we Zarradan soň üçünji ýerde.

1 - Onuň ilkinji hat-tricki 2010-njy ýylyň 5-nji maýynda Mallorca bilen oýnalan oýunda. Ronaldo şol oýunda üç gol salypdy. Myhmançylykda oýnalan oýun 1-4 hasabynda Real Madridiň peýdasyna tamamlanypdy.

2 - Real Madrid 6-1 Racing Santander. Ronaldo 4 gol. 23.10.2010.

3 - Real Madrid 5-1 Athletic Bilbao. 3 gol. 20.11.2010.

4 - Real Madrid 8-0 Levante. 3 gol. 22.12.2010.

5 - Real Madrid 4-2 Villareal. 3 gol. 09.01.2011.

6 - Real Madrid 7-0 Malaga. 3 gol. 03.03.2011.

7 - Sevilla 2-6 Real Madrid. 4 gol. 07.05.2011.

8 - Real Madrid 4-0 Getafe. 3 gol. 10.05.2011.

9 - Zaragoza 0-6 Real Madrid. 3 gol. 28.08.2011.

10 - Real Madrid 6-2 Rayo Vallecano. 3 gol. 24.09.2011.

11 - Malaga 0-4 Real Madrid. 3 gol. 22.10.2011.

12 - Real Madrid 7-1 Osasuna. 3 gol. 06,11,2011,

13 - Sevilla 2-6 Real Madrid. 3 gol. 17.12.2011.

14  - Real Madrid 4-2 Levante. 3 gol. 12.02.2012.

15 - Atletico Madtid 1-4 Real Madrid. 3 gol. 11.04.2011

16 - Real Madrid 5-1 Deportivo. 3 gol. 30.09.2012.

17 - Ajax 1-4 Real Madrid. 3 gol. 03.10.2012.

18 - Real Madrid 4-0 Celta de Vigo. 3 gol. 09.01.2013.

19 - Real Madrid 4-0 Getafe. 3 gol. 27.01.2013.

20 - Real Madrid 4-1 Sevilla. 3 gol. 09.02.2013

21 - Galatasaray 1-6 Real Madrid, 3 gol. 17.09.2013.

22 - Real Madrid 7-3 Sevilla. 3 gol. 30.10.2013.

23 - Real Madrid 5-1 Real Sociedad. 3 gol. 09.11.2013

24 - Deportivo 2-8 Real Madrid. 3 gol. 20.09.2014.

25 - Real Madrid 5-1 Elche. 4 gol. 23.09.2014.

Real Madrid 3-1 Athletic Bilbao

Real Madrid Ancelotti geleli bäri heniz ýekeje oýunam utulyp görenok. Sekiz sany ýoldaşlyk duşuşygy we üç sany resmi oýun. Mourinhoň oýnadýan hüjüm oýunyndan soň, topy 70% aýakda saklap 1-0 utmak içgysgynjrak.

Ýöne futbol kelläňi agyrtmaly däl, lezzet bermeli. Näme üçin biziň oýunçylarymyz indi öňki ýaly topy alan badyna hüjüm edenok? Näme üçin Mesut Özil däl-de Isco, Casillas däl-de Diego Lopez oýnaýar? Higuain näme üçin gitdi? Illara näme üçin geldi? Real Madrid 4-3-3 oýnamalymy, 4-4-2-mi, 4-2-3-1-mi, 4-3-2-1-mi diýen ýaly soraglara biz jogap bermeli däl. Meň pikirimçe biz, janköýerler bu zatlara kelläni agyrtmaly däl-de oýnalýan oýundan lezzet almaly. Futbolda utmagam bar, utulmagam. Bolsa bäş, bolmasa ýigrimi bäş.

Utýaň, şol oýunda golam salýaň, reportažlardan ýeneden sypyp ýadap öýüňe gelýäň welin nahar taýýarjak.

Ronaldonyň täze aýakgaby

Şu gün agşam Aşgabat sagady bilen 21:00-da oýnaljak Real Sociedad oýunynda Ronaldonyň geýjek täze aýakgaby. Aýakgapdaky belgiler (2012-nji ýylda)
1 - Ligadaky çempionlygyň sany
9 - Portugaliýa Milli ýygyndysynda salan golunyň sany
14 - Milli ýygyndyda oýnan oýuny
19 - Ligada gol salan toparlarynyň sany
27 - 2012-nji ýyldaky ýaşy
55 - Umumy oýnan oýun sany
60 - Umumy salan gol sany

Garyplyga garşy göreş - Ronaldo vs Zidane

Şugün irden (ýerli sagada görä düýn) Braziliýanyň Porto Alegre şäherindäki 60 müň adamlyk Gremio Arena stadionynda "Garyplyga garşy göreş" oýuny oýnaldy. Bu ýyl 10-njysy geçirilýän bu oýun ilkinji gezek 2003-nji ýylda Şweýsariýada oýnalypdy. FIFA we UEFA-nyň hem goldaýan bu oýunyndan gazanylan pul bilen Braziliýadaky we Afrikadaky garyplara kömek etmek gözöňünde tutulýar. Geçen ýyl Germaniýanyň Gamburg şäherinde oýnalan oýun bilen Somali ýarymadasyna gumanitar kömek etmek üçin 100 müň Amerikan dollary gazanylypdy.

Bugün Ronaldo we dostlary Zidane we dostlaryna garşy oýnady.
Ronaldo we dostlary: 
Danrlei, Dida, Cafú, Serginho, Réver, Junior Baiano, Roque Junior, Roberto Carlos, William, Lucas, Juninho Paulista, Zinho, Djalminha, Roger, Zico, Denilson, Ronaldo, Neymar, Leandro Damião, Bebeto, Cacá Ferrari, Romário, Edmundo, Paulinho.
Tälimçi: Carlos Alberto Parreira
Zidane we dostlary: 
Vitor Baía, Juliano Belletti, Diego Cavalieri, Emerson, Fernando Hierro, Míchel Salgado, Fernando Couto, Juan Pablo Sorín, Paolo Montero, Carlos Gamarra, Hidetoshi Nakata, Zinédine Zidane, Deco, Santiago Solari, Fredrik Ljungberg, Juan Román Riquelme, Christian Karembeu, Alex de Souza, Pedro Pauleta, Sebastián Abreu, Hulk, Falcão, Mário Jardel.
Tälimçi: Luiz Felipe Scolari
Emin: Pierluigi Collina

Ronaldo we dostlary 3-2 hasap bilen ýeňiş gazandy.

Oýunjaksyz çaga galmasyn

Fundación Realmadridiň geçiren "Oýunjaksyz çaga galmasyn" dabarasynda Pepeniň  bir çaga sowgat beren oýny

CR7: Pepe dur how, näme edýäň? Ol heniz çaga ahyryn.
Pepe: Näme how öwrenişsindä, durmuşy öwrensin.
Kaka': Kamera düşürýärlereý Pepe.
Pepe: Aslynda 13 ýaşyndan kiçi çagalara oýnamak bolanok eken. Oýuny öndüren şerekede jaň edip 7-ä düşürtdim, arkaýyn bolsana.
CR7: Laptop saptop beräýmeli ekeniňdä iň bolmanda.
Pepe: Aramyzda iň baýymyz senä, sen beräýmeli ekeniňdä.

Sekiz Madridista "Çempionatyň Toparynda"

Düýn UEFA Euro 2012 Çempionatyň Topary belli boldy. Real Madridiň sekiz futbolçysy Çempionatyň Toparyna saýlandy: Casillas, Pepe, Sergio Ramos, Coentrão, Khedira, Xabi Alonso, Mesut Özil we Ronaldo.

Real Madridli 10 oýunçy ýarym finalda

Real Madridli futbolçylar EURO 2012-de üstünlikli çykyş etmäge dowam edýärler. Klubyň 10 oýunçysy ýarym finala çykdy, beýleki klublaryň hiç birinden onça oýunçy finala tarap ýola dowam edip bilmedi. Olar 7 gol saldylar. Cristiano Ronaldo bolsa häli häzirde iň köp gol salan oýunçy bolup durýar. Iker Casillas iň az gol geçirden derwezeban, Mesut Özil bolsa iň köp assist eden oýunçy.

Ýarym finalda oýnajak Real Madridli oýunçylar:

Portugaliýa:

Ronaldo

Pepe

Coentrão

Ispaniýa:

Casillas

Arbeloa

Ramos

Xabi Alonso

Raul Albiol

Germaniýa:

Mesut Özil

Sami Khedira

We 100-nji gol

Real Madridiň Portugaliýaly ýyldyzy Cristiano Ronaldo, La Ligadaky 92-nji oýunyny Real Sociedada garşy oýnady we 100-nji goluny saldy.

CR7 Ferenc Puskasyň rekordyny täzeläp Real Madridiň taryhyndaky 100 gola iň çalt ýeten oýunçy boldy. Wengriýaly rowaýaty oýunçy 100 gola 115-nji oýunynda ýetipdi.

Ronaldo Real Madrid köýnekçesi bilen umumylykda 100-nji goluny bolsa şu möwsüm Çempionlar Ligasynda O. Lyona garşy salypdy.

Mowzugyň biraz daşyna çyksak Raul Madridden gidende 7-lik belgini mundan soň hiç kime bermeli däl diýip pikir edýärdim, şeýle edilse Raulyň Real Madride berenleri üçin minnetdarlyk we sylag has ýerine düşäýjek ýalydy. Emma Ronaldoň özüniňem diýşi ýaly Raulyň özem Ronaldo ýaly beýik oýunçyň 7-lik belgini geýmegine begenýändir diýip pikir edýärin.

Rauly ýatladyk, şu videojygam paýlaşaýyn...

Concentrãomy?

Ronaldo, Fabio Coentrão barada bir zatlar soramak islän habarça Coentrão diýmegi öwretdi.

We Madrid 7 bal öňde

Real Madridde ýagdaý öwerlik däl. Mourinho bilen Ramos gohlaşdy diýýärdiler. 2-2-lik Barcelona oýunynda Ramos gyzyl alyp çykyp barýarka Mourinho bilen näme gepleşdi biljek däl ýöne aralary düzelen ýaly.

Mourinho 2-2-lik Barcelona oýunyndan soň emine garaşyp durka

Carvalhoň şikesliligi sebäpli ep-esli wagt aradan soň gaýdyp gelmegi Real Madrid goragyny güýçlendirdi. Sag gyrada Ramosyň ýerine Hamit kän ýalňyşman oýnady. Türgenleşiklerde jan edip taýýarlanýan Granero-da meýdançadady. Soňky iki oýunda bolşy ýaly Mesut bilen Kaka' bile oýnady. Kaka' Milandaky oýunyndan çalaja dadyrýar, goragçylaryň arasynda göýä tans edýär.

Real Madrid janköýeri üçin El Clasico hemme kubokdan möhüm. Munam geçen hepde Barcelona garşy gaty erbet oýnan Higuain oýuna girende janköýerleriň "uuu" seslerinden aňmak bolýar. 

Ronaldo-da 3-1 gutaran El Clasicoda erbet oýnany üçin janköýerler tarapyndan tankytlanýardy. Ronaldo bolsa janköýerlere Malaga salan golundan soň begenmän jogap berdi. Mallorca oýunyndan bäri bolsa henize bugüne çenli görlüp eşidilmedik yhlas bilen oýnaýar. Öňler aýagyna top gelýänçä öňde garaşýan Ronaldo indi goraga kömek edýär.

Mourinho 3 oýunçysynam çalşansoň Marceloň aýagyna şikes ýetdi. Köplenç şeýle ýagdaý şikes ýeten oýunçy çykýar we topar 10 adam galýar. Düýn bolsa beýle bolmady. Marceloň ýerine Callejon geçdi, Marcelo bolsa ortalarda ýöräp gezdi.

Lass oýuna girjek bolanda köpler Xabi Alonsoň ýerine girýändirem öýden däldir. Xabi Alonso oýundan çykansoň näme üçindir göni çalşyrynma otagyna gitdi. Madridde nämeler bolýar düşünmek kyn.

Netijede Real Madrid Lafitaň goly bilen 1-0 yza düşenem bolsa Kaka', Ronaldo hem-de Öziliň gollary bilen 3 baly aldy.

Barcelona bolsa Villareal bilen deňme-deň oýnady. Madrid indi 7 bal öňde.

Gollar: Lafita 11' - Kaka' 32', Ronaldo 49', Özil 56'

Sary kartlar: J. Paredes 26', Ronaldo 63'

Möwsümiň ilkinji El Clasicosynda ýeňiji ýok

Ispaniýa Super Kubogynyň birinji oýunynda Real Madrid Santiago Bernabeuda Barcelonany kabul etdi. Toparlar oýuna aşakdaky oýunçylar bilen başladylar.

REAL MADRID: Casillas, Ramos, Pepe, Carvalho, Marcelo, Khedira, Xabi Alonso, Di Maria, Özil, Ronaldo, Benzema. Gysgaça aýtsak 5-0 bolan El Clasicodaky oýunçylar.

BARCELONA: Valdes, Alves, Mascherano, Abidal, Adriano, Thiago, Keita, Iniesta, Alexis, Messi, Villa.

Emin: Fernando T. Vitienes.

Guardiola Justin Timberlake ýaly geýinipdiraý tüweleme :D

Oýunyň başyndan başlap Real Madridiň ortada sözi geçdi. Barcelona öwrenşen pasa daýanýan oýunyny oýunyň başynda kän görkezip bilmedi. Xaviň ýoklugy bildirdi. Madrid bolsa gyradan içeri galdyrylan toplar bilen amatly pursatlar döretdi. Mourinho Barcelonaň orta meýdançasyny ýokardan toplar bilen geçmäni planlaşdyran ýaly özä.

9-njy minutda Ronaldo çep tarapdan içeri galdyran topuny Benzema kelle bilen derwezä gönükdirdi, emma Valdes ussatlyk bilen çykardy.

13-nji minutda Di Mariaň öz meýdançasyndan Benzemaň öňüne oklan topuny Benzema jerime meýdançasyna girip Özile berdi. Özil derwezeban bilen bir bire çykyp topy derwezä gönükdirdi. Bu gol Öziliň Madrid formasy bilen Barcelona salan ilkinji goly.

Real Madrid hüjüm etjek bolup 5 gol iýmedi, 5 gol iýmejek bolup goragda ýatmady. Oýunyň ilkinji ýarym sagadynda ne Messi ne-de täze transfer Alexis özüni görkezip bilmedi. Ýuwaş ýuwaş Madridiňem bady ýatyp başlady. Hüjümleri seýrekleşdi.

Mourinhoň okuwçylary fiziki taýdan möwsüme taýýardygy bildirip dur. Ilkinji ýarym sagatda ikili çekeleşmeleň hemmesinde ýeňen tarap bolmagy başardylar.

32-nji minutda Mourinhoň näme üçin oýnadýanyna düşünmeýän adamym Sami Khedira Abidalyň ýüzüne depip sary kart aldy.

36-njy minutda David Villa Messiden alan topy bilen jerime meýdançasynyň burçundan aýagynyň içi bilen topy derwezäň burçuna ýelmedi (oýunyň iň owadan goly).

Şol pursatdan soň Messiňem aýagyna ýuwaş ýuwaş top gelip başlady. Barcelona erbet oýnap durka gol saldy, emma Messiň aýagyna top gelip başlansoň janlanyp başladylar.

43-nji minutda Xabi Alonsodan topy alan Benzema jerime meýdançasynda Valdes bilen bire bir galdy. Topy depen badyna bir ýerden uçup gelen Mascherano topyň derwezä gitmegine rugsat bermedi.

45-nji minutda ýene-de biziň gahrymanymyz Khediraň ýalňyşyndan peýdalanan Messi Casillasy awlady. Hasap 1-2. Şu ýerde bir zady belläsim gelýär, Khediraň Galatasaraydaky Mustafa Sarpdan kän bir tapawudam ýok.

Ikinji taýma iki toparam oýunçy çalyşman başlady.

Birinji taýmda salan gollary bilen keýpi köklän Barcelona-da paslaryny saýradyp başlady.

54-nji minutda Öziliň çepden galdyran kornerini Pepe Xabi Alonsa geçirdi. Alonso ýerden güýçli urga bilen hasaby deňledi, 2-2.

55-nji minutda Alexis sary kartoçka aldy.

56-njy minutda Madrid çepden galdyrdy, Valdes öňe çykypdy we Ramosyň süsen topy boş derwezä parallel geçdi.

Coentrao Di Mariaň ýerine oýuna girdi we giren badyna berlen 30 mln-a degýän oýunçydygyny görkezip başlady. Özümä birinji gezek görýän oýunyny, göwnüm ýetdi.

58-nji minutda Thiagoň ýerine Xabi oýuna girdi. Khediraň ýerine bolsa Callejon girdi.

Xaviň oýuna girmegi bilen kän bir üýtgän zat bolmady. Madrid ýene-de Barcelonaň derwezesinden gaýdanok.

60-njy minutda Adrianoň ýerine Pique girdi. Abidal çepe süýşdi.

63-nji minutda jerime meýdançasynyň ýakynynda Mascherano Coentraony ýykdy, Ronaldo üçin gowja ýer, ýöne Ronaldo salyp bilmedi. Top 10-15 sm ýokardan gitdi.

65-nji minutda Barcelonaň jerime meýdançasynda garma-gürmeligiň içinde Özil topy Ronaldo geçirdi. Ronaldoň gelişine depen topyny Valdes saklady.

67-nji minutda oýunyň başyndaky ýaly pursat gaýtalandy. Ýene-de çepden, emma bu gezek Ronaldo däl Özil içeri top galdyrdy. Benzemaň süsen topy ýene Valdese geldi.

73-nji minutda Villaň ýerine Pedro girdi.

78-nji minutda Xabi Alonso sary kartoçka aldy.

81-nji minutda Karim Benzemaň ýerine Higuain oýuna girdi.

84-nji minutda çepden Callejonyň galdyran topyny Valdes elinden sypdyrdy. Ronaldo ylgajak bolanda Valdes ýerde ýatan ýerinden eli bilen Ronaldoň aýagyna kakyp goýberdi. Emin penaltini bermän oýuny dowam etdirdi.

90+1-nji minutda Marcelo Alexisi epledi. Eminiňem ýadawlykdan gözi garaňkyrap ugrady öýdýän. Sary kartoçkany Coentrao berdi :D

90+3-nji minutda Alves Özili ýykdy we sary kartoçka aldy. Alvesiň egilen bolup gaçyp barşy ünsümi çekdi. Eminden bukuljak boldumyka :D

We oýun 2-2 gutardy. Jogap duşuşygy 17-nji Awgustda Camp Nouda geçiriler.