Indoneziýa Türkmenistan 4-3

World Cup 2014-üň eleme oýunlarynda Türkmenistanyň hem-de Indoneziýanyň milli ýygyndylary Jakartada Bung Kamo stadionynda duşuşdylar.

Oýuna güýçli depginde başlan Indoneziýa 6-nji minutda Cristian Gérard Alfaro Gonzáles bilen gola ýakynlaşdylar. Çepdäki goragçy Bagtyýar Hojaahmedowyň juda haýal ýagallygy sebäpli derwezeban bilen 1-1-e çykan Gonzalesiň aýagyndan topy ussatlyk bilen alan derwezeban gola rugsat bermedi. Şondan diňe 3 minut soň ýene-de B. Hojaahmedowyň tarapyndan gaty arkaýynlyk bilen gelen Indoneziýanyň jerime meýdançasyna galdyran topuny Gonzales kelle bilen derwezä ýollady. Derwezeban topy çykaryp bilerdi emma olam daşaryk gider öýtdi, top bolsa ilki sütüni degip soňam tor bilen gujaklaşdy.

19-njy minutda bu gezek çepden gelen Indoneziýa Gonzalesiň goly bilen hasaby 2-0 etdi.

43-nji minutda Nasuhaň jerime meýdançasynyň daşyndan ussatlyk bilen uran topy hasaby 3-0-a getirdi. Derwezebanyň elinden geljek zat ýokdy.

60-njy minutda Türkmen goragçylar Benny Wahyudiniň derwezeban bilen 1-1-e galmagyny diňe synladylar. Ýöne derwezeban ýene-de gola rugsat bermedi. 63-nji minutda bolsa ýene-de çalasynlyk bilen jerime meýdançasyna giren B. Wahyudi amatly pursatdan peýdalanyp bilmedi.

72-nji minutda hüjüme çykan Türkmen oýunçylaryna garşy az adam bilen tutulan Indoneziýa topy meýdançaň daşyna çykarmaga mejbur boldy. Topy burçdan oýuna girizen Türkmenler Arslanmyrat Amanowyň goly bilen hasaby 3-1 etdi.

Bu gola jogap bermek Indonez oýunçylara kyn düşmedi. 75-nji minutda Ridwan jerime meýdança girmänkä uran dürs urgusy hasaby 4-1 etdi.

Oýunyň başyndan bäri 34 ýaşyndaky Gonzalesiňem yzyndan ýetip bilmeýän Bagtyýar Hojaahmedow 2-nji sary kartoçkasyny alyp gyzyl kartoçka bilen oýundan çykdy.

Şondan soň Indonezlere oýuna ünsüni jemlemek kynrak düşdi we fint edip başladylar. 83-nji minutda Berdi Şamyradow owadan urgy bilen topy derwezä ýollady we hasaby 4-2 etdi. 86-njy minutda owadan oýun bilen jerime meýdançasyna giren Türkmen oýunçylar Gahrymanberdi Çonkaýewiň boş derwezä salan goly bilen hasaby 4-3 etdi.

Şondan soň Indonezler özüne gelip ýene-de çyny bilen oýnamaga başladylar. Tiz-tizden oýunyň durmagyna sebäp boldular we wagt sakladylar.

Netijede oýun Gonzales 9' 19' Nasuha 43' Ridwan 75' Arslanmyrat Amanow 72' Berdi Şamyradow 83' hem-de Gahrymanberdi Çonkaýewiň 86' gollary esasynda 4-3 gutardy.

Türkmenistandaky oýun Krendelew hem-de Ilhamyň gollary esasynda 1-1 gutarypdy. Indoneziýa ýola dowam eder.
Ine şu ýerden gollary görüp bilersiňiz..