Birinji oýunda Pique bialaç Ronaldony jerime meýdançasynyň içinde ýykmaly boldy we emin 11 metrlik jerime urgusyny berdi. Pique şol pursatda göz-görtele Ronaldony ýykanam bolsa hemişeki endigi boýunça boýnuna almajak boldy. Emin belli bir netijä gelensoň oýunçylar elli iki garşy çykanda-da üýtgeýän zat ýok. Puyol garrylykdan, Pique şikesden tizligini ýitiripdir. Top burçdan oýuna girizilende bolsa Piqueniň goramaly adamlary yzly-yzyna gol saldy. Copa del Reyde Varane, ligada bolsa Ramos.
Barcelona utulyp gelýänem bolsa topy kän bir garşydaşynyň aýagyna degirmeýän oýny bilen dowam edýär. Emma futbolda her taktikany ýeňip biljek başga bir taktika bar. Şol taktikany tapyp oýunçylara dürs oýnadyp bilmek bolsa her tälimçiň çaky däl. Zyýany ýok Barcelonaň paslaşsa paslaşybersin, ýöne öz derwezäňden uzagrakda, howpsuz ýerde paslaşsyn. Eger derwezäňe golaýlaşdyrmasaň aljak galasy bolmaz, olar uzakdan derwezä urýan topar däl. Ýöne La Ligada Barcelonany daňyp biljek topar azdyr, eger goragda dogry durup, Barcelonany derwezä golaýlaşdyrmasalaram Real Madridiňki ýaly kontrataka edip biljek futbolçylar La Ligadaky hiç bir toparda ýok. Şonuň üçin La Ligada Barcelonaň kellesi agyrmaz. Ýöne ine uly oýunlarda bolsa indi ertirden agşama iki gyra paslaşyp duranyň peýdasy ýok. Katalanlaryň soňky dört oýunda üç gezek utulmagam muňa delil.
Camp Nouda oýnalan Copa del Rey oýnunda Barcelonanyň Boixos Nois atly janköýer topary soňky El Clasicoda 500-e golaý Madridli janköýeriň oturan tribunasyna fakel zyňdy. Düýn agşamky oýunda Valdes emine agzyna gelenini diýdi. Göreli näçe oýun jeza berlerkä. Ramos emin bilen dawalaşanda dört oýun jeza berlipdi. Gyzyl kart üçin bir oýun, jemi bäş oýun. Üstesine-de ilki çykan kararda şu ýerde ýazyşymyz ýaly Osasuna, Valencia, Valencia, Valencia we Getafe oýunlarynda çekmelidi. Emma Copa del Reyde El Clasico oýnaljagy belli bolandan soň federasiýa(!) täze karar çykardy we Ramos soňky bir oýunlyk jezasyny Getafe oýnunda däl-de El Clasicoda çekdi. Indi federasiýa elinden gelse gögi ýere çeksin, biz Copa del Reyde Barcelonany geçdik.
Düýn agşamky ýeňliş bolsa olar üçin hasam agyr degendir diýip pikir edýärin. Sebäbi Real Madrid tutuşlygyna ikinji düzüm bilen oýuna çykdy. 57-nji minutda oýuna giren Ronaldo bolsa 6 sany derwezä urgy bilen, bütin katalan futbolçylaryň 90 minutda uran urgularyny geçdi (5).
Çempionlar Ligasyndaky Manchester bilen oýnaljak oýunlar we üç sany El Clasico Joseniň Madrid kariýerasynyň soňuna nokat goýup biler diýýärdiler. Indi näme gep taparlarka?
 |
| Barcelonaly janköýerler Camp Nouda goldan soň Ronaldony surata düşürýärler |
0 Teswir:
Yorum Gönder