Sag-aman gutul Tito!

Ispaniýada neşir edilýän El Pais gazetiniň haber bermegine görä Barcelonanyň tälimçisi Tito Vilanovanyň rak keseli täzeden gozgady. Vilanova öňem rak bolupdy we geçen ýylyň noýabr aýynda operasiýa edilipdi. Şol sebäpli hem Barcelona kluby Noel mynasybetli geçiriljek dabarany goýbolsun etdi.
Barcelonanyň tälimçiligini wagtlaýynça Guardiola ýerine ýetirer diýen myş-myşlaram bar. Hakykatdanam şu wagt Barcelona oňa mätäç. Şu wagt bolsa topara öň Guardiola garşydaş toparlary analiz eden Jordi Roura tälim berýär.
Real Madrid öz resmi saýtyndan Tito Vilanova, onuň maşgalasyna we Barcelona duýgudaşlyk bildirdi. Mundan başga-da oýunçylarymyz Ramos, Arbeloa, Casillas, Callejon, Marcelo, Morata, Benzema, Guti we Nuri Şahinem twitter arkaly duýgudaşlyk bildirdiler.
Haýsy toparyň tälimçisi bolsa bolsun, olam biriniň kakasy, ogly, ýanýoldaşy, dosty. Sag-aman gutul Tito!