Real Madrid 2-2 Espanyol

Netijede bu oýunda iki bal ýitirenem bolsak, lider bilen aratapawut 13-em bolsa, Çempionlar Ligasynda toparçadan lider çykyp bilmedigem bolsak, Copa Del Reyde Celta Vigodan 2-1 utulanam bolsak bu futbolçylar öň bizi begendirmedilermi? Camp Nouda "¡Calma!" diýip Guardiolany işinden mahrum etmedilermi? Geçen möwsüm ummasyz rekordy täzeläp çempion bolan bu oýunçylaryň gazanan üstünliklerini unutmak üçin heniz gaty ir dälmi?

Bu oýunçylaryň geçen möwsüm toplan 100 baly — rekord.
Myhmançylykda toplan 50 baly — rekord.
Myhmançylykda utan 16 oýuny we bassyr 15 ýeňişi — rekord.
Geçen möwsümde salan 121 goly — rekord.
Gol aratapawudy: 89 — rekord.
Möwsümiň birinji ýarymynda salan 67 goly — rekord.
Her oýun başyna geçirilen 3.19 gol — rekord.

Mundan başga-da...
La Ligada toparlaryň sany 20-ä çykarylandan soň ähli toparlara gol salan ilkinji oýunçy — Ronaldo.
Myhmançylykdaky oýunlaryň iň köp gol salan oýunçysy — Ronaldo.
Ronaldo 46, Higuain 22 we Benzema 21 gol. Ýagny 89 gol bilen taryhyň iň güýçli triosy.

Şu netijeleri gözöňünde tutanyňda bu toparyň oýunçylaryna, tälimçisine we prezidentine hormat goýmaga we söýgüni ýitirmezlige ýeterlik sebäp. Meň özüm üçin -bütin Madridistalar üçinem şeýledir- şularyň hiçbiri bolmanda-da klubyň taryhy, tugrasy we köýnekçesi "¡Hala Madrid!" diýmäge ýeterlik.