Real Madridiň myhmançylykdaky oýunlaryna seretsegem, meýdança çykan 11-e seretsegem hasaba düşünmek kyn däl. Pepeň şikesliligi sebäpli Varane Carvalhoň ýanyndaky ýerini aldy. 10 mln euro transfer edilenem bolsa heniz 18 ýaşynda. Elbetde Madridde Pepeň ýerini hiç kim doldurup bilmez, ýöne Varane bilen çykmak kelläňi etegiňe salmak diýseňem boljak. Goragda mert duranam bolsa yzdan topy oýuna sokmak işini her gezek X. Alonso berdi. Heniz Pepe ýaly oýun dolandyrardan ir. Bolmanam 18 ýaşly çagadan Pepeň edýän işlerine garaşmak edepsizlik bolar :D Netijede Alonso öz ýerindäki etmeli işlerini etmedi.
Goragyň sagynda bolsa Ramosyň ýerine Arbeloa durdy. Olam edil Varane ýaly. Goragda ünsli, hüjüme çykmady. Çykan wagtlaram ýalňyş paslar berdi.
Geçen oýunda gyzyl kart alan Khediraň ýerine bolsa Lass oýnady. Öňki oýnap gelýän 11-den ýeri dolan diňe Khedira boldy. Lass oň ýoklugyny bildirmedi. Maňa galsa Lassy mydama-da oýnatjakla welin Mourinhoň näme üçin Khedirany oýnadýanyna düşünemok. Siz men ýaly dälsiňiz, futbola gowurak düşünýänsiňiz, sebäbini bilýäniňiz teswir ýazaýsyn. Şu sebäp(ler)den Lass däl-de Khedira oýnaýar diýip.
Di Mariaň ýerinem Callejón aldy. Top gelende erbet oýnamadygam bolsa Callejón topsuz kän gowy oýnap bilmedi. Topsuz oýnamak näme how diýmäň. Meýdançada bir adam toply oýnaýan wagty beýleki 21 adam topsuz oýnaýar. Arbeloaň yzdan kömek etmediginem gözöňünde tutsak kän topam gelmedi diýip bileris.
Şu 4 oýunçyňam meýdançaň sagynda oýnandygyny täzeden ýatladaýyn (Varane bilen Lass sag içde) Çepdäki X. Alonsoňam öňki oýunyny görkezmändigini aýdypdym. Netijede Özili topdan doýurmadylar. Mundan öň beýlekiler Özili, Özilem Ronaldony ekleýärdi. Özil isleýän toplaryny alyp bilmänsoň Ronaldo öwerlik pas çykaryp bilmedi. Kim galdy? Marcelo. Ronaldo ikisi çepden bir zatlar etjek bolsalaram Marceloň topy aýagynda köp saklap öz başyna oýnan oýuny, Ronaldoňam gowja paslar alyp bilmezligi oýunyň erbet gitmegine täsirini ýetirdi. Madrid birinji time diňe Ronaldoň öz başyna eden işleri hem-de uzakdan uran urgulary bilen gola ymtyldy. Yzly-yzyna 3-4 dogry pas geçirip bilmeýän 9 adamyň öňünde duran Benzema barada ýazyp oturmak geregem dälmikä diýýän.
Oýunyň ikinji ýarymynda Di Maria Callejónyň ýerine oýuna girdi. Soň Öziliň ýerine Higuain, Lassyň ýerine Kaka' girdi. Şol minutlardan soň oýun Racingiň derwezesiniň öňünde oýnalyp başlady. Soňky 20 minutda birnäçe amatly pursatdan peýdalanyp bilmedik Madrid 1 bala razy bolmaly boldy.
Di Mariaň näme üçin oýuna ilkinji 11-de başlamadygy düşnükli. Oglanjyk akylyna aýlanmaly-da futbolyny oýnamaly. Ýöne Ramos? Pepeň ýerine oýnap biljek Albiol?
Racingiň goragçylarynyň gassap ýaly oýnamagyna sesini çykarmadyk emin barada ýazjak däl, ýazgyny ýene iki esse uzatsam okamazlarmyka diýip gorkýan :D
Şeýlelikde geçen hepde Atleticodan 4 gol iýen Racinge gol salyp bilmedik Madrid 7 bal bilen 7-nji ýerde barýar.
Sary kartlar: Stuani, Tziolis, C.F.Salas, Munitis, A. Gonzales | Özil, Lass, Carvalho
0 Teswir:
Yorum Gönder