Herculesdäki Juanmi Callejon, biziň Jose Maria Callejonymyz bilen ekiz. Juanmi hem Jose Maria ýaly Real Madridiň ýaşlar ýygyndysyndan ýetişipdi we Mallorca, Albacete we Cordoba ýaly toparlarda oýnapdy. Juanmi başga bir blogumyzyň mowzugy bolsun. Biz Jose Mariadan başlaly.
Real Madridiň ýaşlar toparyndan ýetişen Jose Maria Callejon 2007-nji ýylyň maý aýynda ilkinji professional oýunyny Real Madrid B-de oýnady. Şol möwsüm (2006-07) Segunda Divisionda 4 oýun oýnap bir gol saldy.
2007-08 möwsüminde bolsa 37 oýun oýnap 21 gol saldy we Segunda Divisionda iň köp gol geçiren oýunçy boldy.
Şol möwsümiň soňunda Callejon Real Madridden gitdi we RCD Espanyol bilen 4 ýyllyk şertnama gol çekdi. La Ligadaky ilkinji oýunyna 2008-nji ýylyň 20-nji Sentýabrynda Getafe CF bilen oýnalan oýunda çykdy, oýun 1-1 gutardy.
Callejon ilkinji goluny, 3-3 gutaran RCD Mallorca oýunynda saldy.
2011-nji ýylyň 15-nji Ýanwarynda, Callejon iki gol salyp Sevilla FC-ni 2-1 utmaga goşandyny goşdy.
2011-nji ýylyň 23-nji Maýynda bolsa Real Madrid bilen 5 ýyllyk şertnama gol çekip, Real Madridiň Granero we Arbeloadan soň satyp yzyna satyn alan üçünji futbolçysy boldy. Callejon Real Madride 5,5 mln ýewro düşdi.
Callejon Ispaniýa U-21-däki ilkinji oýunyna 2008-nji ýylyň 25-nji Martynda Gazagystan U-21 oýunynda çykdy. 46-njy minutda Bojan Krkiciň ýerine oýuna girdi we 5 minut soň goluny saldy. Şol oýunda Ispaniýa 5-0 utupdy.
Real Madride peýdaly oýunçy bolar diýip umyt edýän, kariýerasy Canales, Pedro Leon we ş.m. Madridlileňki ýaly bolmasyn..
0 Teswir:
Yorum Gönder